"Port Bazar" və "Rahat" marketlər şəbəkəsinin təşəbbüsü ilə 44 günlük haqq savaşında qazanılan qələbəyə və şəhidlərin xatirəsinə həsr olunmuş “Zəfər Kuboku” və müxtəlif hədiyyələr sahiblərinə təqdim edilib.

ANC GROUP MMC-də baş tutan “ZƏFƏR” turnirinin final oyunlarında şirkətdə çalışan vətən müharibəsi iştirakçıları , qazilərlə görüş keçirilib və hər biri mükafatlandırılib.
Torpaqlarımızın işğaldan azad olunmasının birinci il dönümünə həsr olunmuş
“ZƏFƏR” turnirinin qalibləri – birinci yerin sahibi “Ağdam” klubu, ikinci yerin sahibi “Xudafərin” klubu, üçüncü yerin sahibi “Murov” klubu olmuşdur.

Final oyunundan sonra ANC GROUP MMC-nin Baş direktoru Samir Abdullayev tərəfindən qalib komandalar və fərqlənən oyunçular xüsusi pul mükafatları, hədiyyələr və diplomlarla mükafatlandırılıb.

1. Ən yaxşı qapıcı - Əlibala Quluzadə “AĞDAM” komandası
2. Ən yaxşı müdafiəçi - Fərəc Hümbətov “XUDAFƏRİN” komandası
3. Ən yaxşı oyunçu - Emin Həsənov “AĞDAM“ komandası
4. Ən məhsuldar oyunçu - Elşən Mustafayev “KƏLBƏCƏR“ komandası, 17 qol
5. Ən yaxşı komanda meneceri - Vüqar Nəcəfov “AĞDAM“ komandası

ANC GROUP MMC-nin Baş direktoru Samir Abdullayev sonda çıxışında bu turnirin bu il olduğu kimi, növbəti illərdə də keçiriləcəyini bildirmişdir.

Qeyd edək ki, futbol turnirinin əsas qalibi Dostluq, Qardaşlıq, Həmrəylik, Birlik oldu. Zəfər günümüz mübarək!